Златан Ибрахимовиќ, асот на Милан, смета дека исходот од Мундијалот е одамна познат.
Во разговор со новинарите во Дубаи, каде Милан моментално учествува на егзибициски турнир, шведскиот фудбалер даде свое мислење за Светското првенство во Катар.
„Мислам дека веќе е запишано кој ќе го освои трофејот. Добро знаете дека мислам на Меси. Хрватска и Франција се големи репрезентации, но јас не го доведувам во прашање триумфот на Аргентина“, изјави одличниот 41-годишен напаѓач, кој една година играше со Аргентинецот во Барселона.
Како и повеќето луѓе, тој е воодушевен од резултатот на Мароко, кој стигна до полуфиналето.
„Искрено, тие не се толку изненадувачки за мене бидејќи имаат одличен квалитет. Сè може да се случи на Светското првенство. Тие се добар тим и сега немаат што да загубат. Ќе биде многу опасен противник за Французите“, вели Ибрахимовиќ.