Терористичката ИД презеде одговорност за смртоносниот напад во Виена што се случи синоќа. Тоа се нагласува во соопштението на ИД на нивните канали на Телеграм.
ИД сподели видео на кое Кујтим Фејзулаи, терористот што го изврши синоќешниот напад во Виена, му се заколнува на лојалност на својот водач, Абу Ибрахим ал-Хашими ал-Кураши, на арапски јазик.
Тој позираше со автоматска пушка, пиштол и мачета со која беше вооружен за време на нападот.
Во синоќешниот терористички напад во Виена загинаа четири лица, меѓу кои и напаѓачот, 20-годишен приврзаник на ИД, кој беше убиен од страна на полицијата. Во нападот се повредени 17 луѓе.
