Буковките комбинирани со каша од грав и бело вино сочинуваат оброк со сеопфатен вкус.
Овој рецепт за буковки ја обезбедува сета длабочина на вкусот и сложената сладост на црвеното месо, заедно со бибер. Можеби ќе сакате да го пробате и рецептот за пржени буковки во сос. Со кремаста каша од грав, буковките се вистинска замена за месо. Еве како да направите буковки со пире од грав и зрна бибер.
Потребни состојки:
- 10 гр сушени буковки
- 600 гр бел грав
- 150 мл вода
- 1 чешне лук
- 150 гр буковки
- 2 лажици масло
- ½ лажичка зрна зелен бибер
- 100 мл суво бело вино
- 4 лажици кисела павлака
- сол
- сезонски зеленчук (за сервирање)
Подготовка:
Ставете ги буковките во помал сад и покријте ги со 150 мл свежо зовриена вода, па оставете да киснат. Им треба само околу 15 минути.
Исцедете половина од течноста од гравот, а потоа гравот и преостанатата течност ставете ги во тава со толчениот лук. Вклучете на средна топлина за да се загреат и редовно мешајте. Откако ќе се загрее, користете блендер за да изблендирате додека смесата не се изедначи. Добро зачинете, па покријте за да не се излади.
Ставете ја тавата на силен оган. Кога ќе се загрее, додадете масло, мешајќи за да се премачка рамномерно. Додадете ги буковките, а потоа ставете втор сад одозгора и притиснете надолу - печурките треба силно да прокрчкаат. Продолжете да притискате околу 10 секунди, а потоа извадете го горниот сад и оставете ги да се динстаат неколку минути, без мешање, додека не испари течноста испуштена од печурките.
Зачинете ги буковките со сол и половина од мелените зрна бибер. Свртете ги печурките, па покријте со садот и повторно притиснете. Оставете го садот над печурките неколку минути додека се готват, па извадете го и повторно зачинете со преостанатите зрна бибер. Префрлете ги печурките во чинија и покријте ги за да останат топли.
Вратете ја тавата на средна температура и додадете го виното. Кога виното ќе се намали за две третини, во тавата додадете ги сувите буковки и нивната течност за натопување. Кога ќе се пропржат додадете павлака и посолете. Пирето од грав поделете го меѓу чиниите, па одозгора ставете ги буковките и салата што сте ја одбрале. Прелијте со сосот од буковки.