Жолта боја за јајца можете да добиете многу лесно, а што е најдобро - и сосема природно.
Наближува Велигден, домаќинките веќе размислуваат за украсување и вапцање јајца, а годинава наместо да купуваат фабрички бои, се насочуваат кон природните варијанти. Освен зеленчук, можете да користите и зачини за вапцање јајца. Дали знаевте дека со помош на куркума можете да добиете убава жолта нијанса?
Потребни состојки:
- 2 лажици куркума
- 750 ml вода
- 1 лажица оцет
- малку сол
Подготовка:
Во зовриената вода додадете куркума, оцет и сол, сè убаво измешајте, па спуштете ги претходно сварените јајца. Оставете ги неколку часа убаво да ја впијат бојата, а колку подолго стојат бојата ќе биде поинтензивна. После тоа, извадете ги јајцата, тапкајте ги малку со марамче и оставете ги да се исушат. После тоа можете да ги премачкате со масло за подобар сјај.