Излегувајќи од авион на американското воено воздухопловство, кучиња робото протрчаа на аеродромот во пустината Мохаве и покажаа како би можело да изгледа војувањето во иднината.
Кучињата роботи беа дел од вистинска воена вежба, што на многумина може да им изгледа како сцена од научно фантастичен филм. Вежбата беше еден од најголемите експерименти на високата технологија во американската војска.
Кучињата роботи беа испратени надвор од авионот да ги извидат заканите пред на нив да бидат изложени луѓето. Роботите кучиња користат вештачка интелигенција и брза аналитика на податоци за откривање и сузбивање на закани и можни напади.
Според помошникот секретар за воено воздухопловство Вил Ропер, војниците во иднина ќе се соочат со огромна количина на податоци за проценка на опасноста. Според него, проценката на податоците е основен воен ресурс, кој не е ништо помалку важен од авионското гориво или сателитите и е клуч во војувањето на идната генерација.
