Илон Маск, најбогатиот човек во светот, на Twitter објави дека годинава ќе плати 11 милијарди долари данок, пренесе BBC.
Маск беше вовлечен во јавна дебата на социјалните мрежи за тоа колку плаќа данок, а една од учесничките беше и сенаторката Елизабет Ворен.
„За оние кои ги интересира, годинава ќе платам повеќе од 11 милијарди долари данок“, одговори Маск.
Основачот на Tesla и сопственик на SpaceX, беше прогласен за најбогат човек во светот во почетокот на годинава, а неговото богатство е проценето на 243 милијарди долари.
Магазинот Time годинава го прогласи Маск за личност на 2021 година и го стави на насловната страница.