Во Германија е отворен првиот производствен погон на Tesla во Европа, бидејќи компанијата настојува да го намали притисокот на другите фабрики во САД и во Кина.
Илон Маск присуствуваше на отворањето, танцуваше и се шегуваше со вработените и обожавателите.
Ова е почеток на производствоto на американски автомобили во Европа, две години откако е најавено, пренесе Reuters.
„Ова е одличен ден за Tesla“, изјави Маск пред да го поздрави отворањето како уште еден чекор кон насока на одржлива иднина.
Tesla планира да вработи 12.000 луѓе во фабриката, од кои 3.000 веќе се ангажирани. Со полн капацитет, фабриката ќе произведува 500.000 автомобили годишно. Фабриката од пет милијарди евра во Германија е најголемата инвестиција за автомобили во поновата историја.