Илон Маск го нападна Министерството за правда затоа што не ја „протекува“ листата на клиенти на Џефри Епстин и Гислејн Максвел.
Во текот на викендот, основачот на SpaceX се огласи на Twitter за да ја повика федералната влада, пишувајќи: „Единствено повпечатливо од тоа што Министерството не ја објавува листата е тоа што никој во медиумите не се потресува. Зарем тоа не ви се чини чудно?“
Во твитот, тој прикачи и фотографија на која пишува „Работи што никогаш нема да ги видам во мојот живот“, прикажувајќи диносаурус, змеј, еднорог, а потоа и четврта слика на која пишува „Списокот на Епстин/Максвел“.
Набргу по објавувањето на твитот, еден твитерџија го прозва шефот на Tesla, споделувајќи фотографија од Маск и Максвел на оскаровската забава на Vanity Fair, пишувајќи: „Најдов еден“.
На што Маск одговори: „Ах, да, Максвел ме фотобомбира на оскаровската забава на VanityFair - треба да ги прашате зошто ја поканија.“
„Истите луѓе кои ја форсираат оваа фотографија не кажуваат ништо за истакнати луѓе кои всушност отишле на неговиот остров десетина пати. Исто така многу чудно…“
Daily Mail пишува дека „црната книга“ на Епстин првпат била објавена во 2015 година и објавена од новиот сајт Gawkers, кој ги открил имињата на влијателните и моќни личности кои имале врска со педофилот.
Некои од имињата споменати во книгата се поранешните претседатели Бил Клинтон, Доналд Трамп, поранешните државни секретари Хенри Кисинџер, Џон Кери и Вуди Ален.
Сепак, овие луѓе не се обвинети или поврзани со злосторствата на Епстин и Максвел.
Минатата година, за време на судењето на Максвел, во кое таа беше прогласена за виновна за трговија со деца за секс, адресарот со имињата на клиентите што ги опслужувале таа и Епстин исто така откри некои од имињата на нивните жртви, според New York Times.
Но, и покрај пресудата, адресарот не беше објавен во јавноста откако одбраната и обвинителството се договорија.
Uni Lad објави дека твитовите на Маск доаѓаат непосредно пред Максвел да се појави на суд за пресудата на 28 јуни.
Во јануари 2022 година, Максвел официјално побара ново судење откако беше откриено дека еден од поротниците бил малтретиран како дете и покрај тоа што рекол дека не бил на скрининг пред судењето, според ABC News.
Меѓутоа, во април, судијата го одби барањето на Максвел, потврдувајќи ја нејзината осуда, но нејзините адвокати сепак ветија дека ќе се жалаат на пресудата.