Индиската армија соопшти дека случајно истрелала проектил кон Пакистан, јавија некои светски агенции.
Индиското Министерство за одбрана истакна дека изразиле „длабоко жалење“ поради тоа.
– За време на рутинско одржување, технички дефект доведе до случајно истрелување на проектил, соопшти индиското Министерство за одбрана, без да го прецизира типот на проектилот. Во инцидентот нема жртви.
Индија и Пакистан одамна се во конфликт поради спорниот регион Кашмир кој двете земји го сметаат за дел од својата територија.
