Спортскиот директор на Интер, Џузепе Марота, уште еднаш на светот му покажа дека е мајстор на својот занает.
Марота успеа да донесе уште едно квалитетно засилување во клубот и тоа потполно бесплатно.
Имено, од лето нов член на Интер ќе стане напаѓачот на Порто, Мехди Тареми.
Овој 31-годишен Иранец не го продолжи договорот со „Змејовите“ и реши да потпише двегодишен договор со Интер.
Тареми оваа сезона одигра 24 натпревари за Порто и постигна 6 гола со 4 асистенции. Моментално е на Азискиот куп со репрезентацијата на Иран, која стартуваше со 4:1 победа над Палестина. За Иран има 77 натпревари и 42 постигнати гола, а беше дел од Мундијалите 2018 и 2022.
За Порто играше од летото 2020 кога пристригна од Риу Аве. Претходно настапуваше и за катарски Ал-Гарафа и домашните Персеполис, Иранџаван и Шахин Бушехр.