По единаесетти пат во својата историја гигантот од Милано го промени своето лого следејќи ги трендовите на модерното доба.
Како што објасбуваат од клубот, новото лого ја зацврстува поврзаноста на клубот со градот Милано и ќе почне да се користи на дресовите од наредната сезона 2021/22.
Новото лого наликува на претходните и е направено задржувајќи ја оригиналноста на Џорџо Муџани кој во 1908 година го направил првото историско клупско лого. Сега повеќе до израз доаѓаат клупските бои на логото, црната и сината, а исцртани се само латиничните букви I и M, инцијалите на Интер и на Милано, додека исфрлени се F и C за фудбалски клуб.
Првото лого во историјата на клубот се користело 20 години, од формирањето во 1908 до 1928. Било дело на уметникот Џорџо Муџани, локален жител на Милано и еден од основачите на клубот.
Второто лого доаѓа во 1928 откако поради политични притисок клубот го менува името во Амброзиана под покровителство на фашистичкиот режим на Бенито Мусолини.
Со крајот на Втората светска војна и падот на фашизмот клубот во 1945 година го враќа стариот дизајн, но со нов изглед.
Во 1963 додадена е жолтата боја, па логото повторно е променето.
Драстична промена се случува во 1979 кога се напушта дизајнот на Муџани, а на логото се наоѓа змија, историски симбол на градот.
Во 1989 година доаѓа промена по повод ѕвездичката која клубот ја додаде поради освоените 10 Скудета, иако десеттото е освоено уште од 1966.
Модерната ера во Интер почнува во 1999 со лого кое ќе трае до 2007.
Стилиризирано лого е воведено само една година пред стогодишнината.
Во 2008, само таа година по повод стотиот роденден, клубот дизајнираше посебно лого кое се користеше само во тој период.
Во 2014 во влегувањето на индонезискиот капитал дојде до нова промена и поедноставување на логото, лого кое ќе остане во употреба до крајот на тековнава сезона.
Новото лого во употреба од лето 2021:
