Генералниот секретар на Интер, Џузепе Марота, потврди дека Ромелу Лукаку на крајот од сезоната ќе се врати во Челси.
Пред синоќешниот натпревар против Порто, на кој Интер одигра без голови и благодарение на победата од 1:0 во Милано се пласираше во четвртфиналето од Лигата на шампионите, Бепе Марота ја информирашпе јавноста дека Интер нема да го откупи белгискиот напаѓач без разлика на неговиот учинок до крајот на сезоната.
„Позајмицата е на една сезона, така што на 30 јуни тој ќе се врати во Челси без обѕир на учинокот. Сезонава е многу тешка за него, но проблеми имаат и други играчи што играа на Мундијалот. Лукако не е изолиран случај, погледнете го и Брозовиќ. Лукаку сѐ уште не си ја пронајде оптималната форма, што е негова главна карактеристика и не е напаѓачот што го го гледавме претходните години“, рече Марота и со тоа практично ја затвори вратата за евентуален траен откуп на неговиот договор.
Од друга страна, заминувањето на Лукаку би можело да биде добра вест за ветеранот Един Џеко, чиј договор истекува токму во јуни. За „Нераѕурите“ би било премногу истовремено да останат без двајца напаѓачи, иако засега нема најави дека 37-годишниот (36 има, но на 17-ти му е роденден) Босанец преговара за продолжување на договореот.
Сезонава ефектот на Лукаку и Џеко е различен. Додека Босанецот има постигнато 11 голови со 5 асистенции во сите натпреварувања, 29-годишниот Белгиец има само 5 гола со 1 асистенција, но на дупло помалку натпревари (Лукаку 18, Џеко 37).
Покрај нив двајца, напаѓачи во Интер се и новопечениот капитен Лаутаро Мартинес и резервистот Хоакин Кореа.
