Кошаркарот на Бруклин Нетс, Кајри Ирвинг, е казнет парично со 50.000 долари поради недолично однесување на првиот натпревар од плеј-офот одигран во Бостон, во кој домашните Селтикс славеа со 115:114 со кошот на Џејсон Тејтум во последната секунда, соопштија од канцеларијата на НБА.
Казната е изречена ден пред вториот натпревар од плеј-офот во кој Бостон во средата вечер повторно славеше (114:107) и поведе со 2:0 во серијата до четири победи.
Ирвинг е казнет бидејќи на публиката во „ТиДи Гарден“ и покажа среден прст и упати неколку пцости кон навивачите на Бостон.
Поранешниот кошаркар на Селтикс против својот поранешен клуб уфрли 39 поени и малку недостасуваше да биде јунак во победа на Бруклин, но неговиот труд во последната секунда го поништи Тејтум.
