M3GAN е американски научно-фантастичен хорор филм од 2022 година, во режија на Џерард Џонстон, со Алисон Вилијамс и Виолет МекГроу во главните улоги, при што Еми Доналд физички ја прикажува M3GAN, а Џена Дејвис го позајмува гласот.
Заплетот на филмот кој е на врвот на овонеделната листа на најпиратирани филмови, ја следи истоимената кукла со вештачка интелигенција која развива самосвест и станува непријателски настроена кон секој што ќе се најде помеѓу неа и нејзиниот човечки придружник.
Филмот забележа комерцијален и критички успех, со заработка од над 146 милиони долари ширум светот наспроти буџет од 12 милиони долари и доби пофалби од критичарите за успешниот спој на хорор, хумор и сатирични елементи, како и за актерските изведби.
Продолжението, насловено M3GAN 2.0, е планирано да има премиера на 17 јануари 2025 година, а до тогаш, да видиме како помина оригиналот низ филтерот на Screen Junkies, чиј автор подготви искрен трејлер.
