Минисеријата „Secret Invasion“ доби искрен трејлер на барање на фановите.
Серијата се базира на истоимената приказна од стриповите на Marvel од 2008 година. Семјуел Ел Џексон и Бен Менделсон ги репризираа улогите на Фјури и Талос од претходните MCU филмови, а глумат и Кингсли Бен-Адир, Килиан Скот, Семјуел Адевунми, Дермот Малрони, Ричард Дормер, Емилија Кларк, Оливија Колмен, Дон Чидл, Шарлејн Вудард, Кристофер МекДоналд и Кети Финеран. Режијата е на Али Селим.
Од 21 јуни до 26 јули се емитуваше на Disney+, а должината на секоја епизода варира од 35 до 55 минути. Има вкупно 6 епизоди.
Џексон и Менделсон добија пофалби за својата глума, но беа критикувани сценариото, дејството и визуелните ефекти.