Ново британско истражување покажа дека новиот сој на коронавирусот, кој во декември се појави во Велика Британија, не предизвикува посериозни болести од изворната варијанта.
Научници утврдија дека новиот сој може побрзо да се шири и во склоп на студијата извршија истражување над две групи луѓе на иста возраст, исто потекло и ист пол. Така, 1.769 луѓе заразени со новиот сој биле споредени со 1.769 луѓе заразени со изворната варијанта на вирусот.
Од 42 пациенти во болница, 16 биле заразени со новиот сој, додека 26 со изворната варијанта. Кога станува збор за смртноста, починале 12 пациенти заразени со новиот сој, а 10 заразени со изворната варијанта.
„Во прелиминарните резултати на студијата не е откриено статистички значајна разлика во хоспитализацијата и смртноста меѓу двете варијанти. Исто така, голема разлика не е забележана ни во случај на повторна инфекција во споредба со новиот сој и изворната варијанта“, нагласено е во студијата.
Сепак, резултатите покажале дека уделот на контакти на потврдени случаи кои сами ја развиваат болеста бил поголем кај луѓето заразени со новиот сој.
Бројот на заразени не престанува да расте во Велика Британија, каде вчера за еден ден беа пријавени 53.135 нови случаи.