Објавени се делови од интервјуто на легендарниот фудбалер Златан Ибрахимовиќ со Пирс Морган. Се навестува разговор со Швеѓанецот кој овој пат зборува за сѐ.
Ибрахимовиќ летово ги закачи копачките по завршувањето на играчката кариера во Милан, каде помина три и пол години по враќањето во јануари 2020 година.
Во извадок од интервјуто со Морган, Ибрахимовиќ најпрво беше запрашан дали од потешко интервју би се добил „вистинскиот Златан“.
„Сакаш да си играш со оган? Јас ќе бидам твојот оган. Но, ти ќе изгориш. Кога ќе кажам дека сум Бог, мислиш дека се шегувам или не? Не се шегувам", рекол Златан на почетокот.
Му беше дадена идејата да биде Бонд негативец.
„Би го скршил Бонд, но многу сум скап, не работам бесплатно“, додаде тој.
Поранешниот напаѓач на Милан се потсети на времето поминато во Барселона со Пеп Гуардиола.
„Кога прв пат се сретнав во Пеп, тој ми рече: 'Запомни, играчите овде не доаѓаат со Ferrari'. Што направив? Се разбира, го довлечкав моето еб*но Ferrari“, откри тој.
Морган го прашал дали постигнувањето гол е подобро од секс.
„Сексот е подобар, секој што мисли поинаку има проблем со сексот. Треба побара помош“, вели Ибра.
Ибрахимовиќ се сети на својот поранешен менаџер Мино Рајола, кој почина минатата година.
„Тоа беше голема загуба, тој не беше само менаџер за мене, тој беше сè. Сè уште ми недостига, на сите ни недостасува“.
Ибрахимовиќ на крајот беше прашан да каже нешто за што згрешил во кариерата.
„Не отидов во Арсенал. Но, не правам експерименти. Не не, не разбирате, јас не правам проби. Јас сум најдобар, какви други“, истакна Ибрахимовиќ во објавата на дел од интервјуто кое ќе биде објавено в четврток.
