Клинт Иствуд се враќа на сцената со „Cry Macho“, чиј официјален трејлер беше објавен од Warner Bros Pictures.
Познатиот режисер-продуцент во филмот го глуми Мајк Мајло, некогашна родео ѕвезда и пропаднат одгледувач на коњи, чиј поранешен шеф ќе го ангажира да го донесе син му дома од Мексико, каде западнал во неволја.
Принудени да патуваат по споредни патишта до Тексас, несекојдневното дуо се соочува со неочекувано патешествие во кое ликот на Иствуд ќе најде поврзаност со младичот и ќе го осознае чувството на искупување.
„Cry Macho“ ќе има премиера на 17 септември 2021 година во САД и на HBO Max со планот без реклами, а ќе биде достапен на HBO Max 31 ден од кино-премиерата.
Филмот е прва актерска улога на Иствуд по „The Mule“ од 2018 година. Кариерата на 91-годишниот холивудски великан датира од 60-тите и го направи икона на машкоста, почнувајќи од неговите вестерн шпагети хитови до „Dirty Harry“ and „Gran Torino“.
Во „Cry Macho“ играат и Едуардо Минет во улогата на младичот Рафо (ова му е деби во долгометражен филм), Наталија Травен како Марта, и Двајт Јоакам како поранешниот шеф на Мајк, Хауард Полк.
Во актерската екипа се и Фернанда Урехола како Лета и Хорасио Гарсија-Рохас како Аурелио.
Иствуд, кој е еден од продуцентите, исто така и го режираше филмот, по сценарио на Ник Шенк и Н. Ричард Неш, базиран на романот на Неш.
