Документарна серија за поранешниот фудбалски ас Дејвид Бекам набргу ќе почне да се емитува на Netflix.
Стриминг-платформата во вторникот го објави првиот официјален трејлер.
Серијата ги следи подемите и падовите во животот на Бекам – и како глобална спортска ѕвезда и како глава на една од најпознатите славни фамилии.
Документарецот, со наслов „Beckham“, има четири дела и говори за глобалната фудбалска ѕвезда и културна икона. Дејвид Бекам е едно од најпознатите имиња на планетата, но малкумина знаат кој е тој навистина, велат од Netflix.
„Од неговите скромни почетоци во работничка класа во Источен Лондон, неговата желба и решеност за победа и битката да најде рамнотежа помеѓу амбицијата, љубовта и семејството, неговата приказна е приказна за огромни подеми и падови“. вели стриминг-гигантот.
„Beckham“ пристигнува на 4 октомври.
