ЈСП „Скопје“ го раскина договорот со приватниот превозник „Макескпрес“, а линиите на кои сообраќаа приватните автобуси ќе бидат заменети со сопствени автобуси со што транспортот на патници ќе продолжи непречено, информираат од Јавното сообраќајно претпријатие.
„Причина за раскинувањето на договорот со приватниот превозник „Макекспрес“ е непочитување на обврските од договорот во кои се уредуваат условите за начинот на јавен превоз. Со жалење мораме да констатираме дека „Макекспрес“ до моментот на раскинување на договорот не успеа да обезбеди модернизирани автобуси со соодветни еколошки стандарди, основно ниво на хигиена во автобусите и редовност без доцнење на автобуските постојки“, соопшти ЈСП Скопје.
Сите овие поплаки, како што се вели во соопштението, се истакнати од граѓаните, со што во целост се нарушува и имиџот на јавниот превоз во главниот град.
„Како што градската власт на прес-конференции побара должниците да си ги платат долговите кон ЈСП, така и ние сега бараме од градската власт да ги подмири своите долгови кон приватните превозници“, нагласи тој.
Не е познато дали ќе биде извршена исплата на долгот за август, септември и октомври.
Од ЈСП денес информираа дека линиите 19, 20, 22, 52 и 54 продолжуваат да функционираат непречено и покрај раскинатиот договор со приватниот превозник „Макекспрес“, кој во изминативе години ги опслужуваше посочените линии.
