Фудбалерите на Јувентус конечно одиграа квалитетна партија, а во натпреварот од 11. коло во италијанската Серија А го победија Емполи на својот стадион со резултат 4:0.
Јувентус одлично го отвори натпреварот и поведе со 1:0 во 8. минута преку Кин, а иако имаше неколку чисти шанси во првото полувреме, на крајот со тој резултат замина на одмор.
Дека Старата дама нема да има проблеми на овој меч беше јасно во 56. минута кога Мекени погоди за 2:0. Во 82. минута Рабио го постигна третиот гол за својот тим, а во судиското надополнување го постигна вториот за конечни 4:0.
За Јувентус ова е петта победа сезонава и сега имаат 19 бода, дури седум помалку од Наполи кој е прв и кој има и натпревар помалку. За старата дама ова е втор последователен натпревар во кој победува, а потсетуваме, во минатото коло беа подобри од градскиот ривал Торино со резултат 1:0.
Од друга страна, Емполи останува на 11 освоени бодови и по ова коло би можеле да паднат од 11. на 15. позиција на табелата.
Алегри: Сега веќе личиме на тим
Тренерот на Јувентус, Масимилијано Алегри, ги искажа впечатоците по победата над Емполи.
„Сега веќе личиме на тим. Соочувањето со Емполи во првите 60 минути не беше лесно, бидејќи нивните играчи постојано притискаат и често додаваат, можевме и да ја зголемиме предноста.
Се подобруваме и фактот што тимот го задржа истото темпо во второто полувреме покажува дека нивото на кондиција се зголемува. Трениравме добро. Ни претстои важен натпревар, против Бенфика во Лигата на шампионите во вторник“, изјави Алегри по натпреварот.
