Откако Барон Трамп, синот на Меланија и Доналд Трамп, беше видно отсутен од фотографиите или снимките од првото семејство на САД како го напушта Вашингтон, некои корисници на социјалните мрежи се прашуваа дали можеби го заборавиле во Белата куќа, како Кевин Мекалистер во филмовите „Home Alone“.
Меколи Калкин, кој го глумеше Кевин во филмовите Home Alone, вклучувајќи го и вториот филм во кој имаше сцена со Доналд Трамп, минатата недела на Twitter објави дека ја поддржува бизарната иницијатива за отстранување на поранешниот претседател од таа сцена.
„Глупаво е, но се прашувам дали Барон е сам во Белата куќа како во (филмот) Home Alone“, се прашува еден љубопитен твитерџија.
Обично не е тешко да се забележи 14-годишниот Барон кој порасна од дете во момче баш во четирите години од напуштањето на Менхетн и вселувањето во Белата куќа. Но, Барон го немаше никаде во близина на неговите родители, ниту пред хеликоптерот што ги собра пред Белата куќа или авионот со кој полетаа од Вашингтон за Флорида.
Списанието People пишува дека иако Барон не бил виден како ја напушта Белата куќа заедно со неговите родители, тие отпатувале заедно на Флорида каде сега ќе живеат.
Погледнете ги смешните теории на твитерџиите за тоа каде е Барон Трамп.
