На веб-страницата All sizes matter (Сите големини се важни), изработена е мапа на светот што ја прикажува просечната големина на пенисот кај мажите во секоја земја.
Според оваа мапа, мажите во Македонија се рангираат на 63-то место од вкупно 143 земји (некоја златна средина или 1,4% над светскиот просек), со просечна должина на пенисот од 14 сантиметри и обем од 12 сантиметри. На споменатата страница е забележано дека мажите самите ги пријавиле овие мерки.
Мажите во Босна и Херцеговина имаат просечна должина на пенисот од 15,3 сантиметри, а просечен обем од 12,1 сантиметар. Тие се 25-ти на листата од вкупно 143 земји.
Хрватите имаат просечна должина на пенисот од 14,8 сантиметри. Просечниот обем на нивните гениталии е 13 сантиметри и го зазедоа 34-то место.
Мажите во Србија имаат просечна должина на пенисот од 14,8 сантиметри, а просечен обем од 12,7 сантиметри. Тие се на 35 место. Просечната должина на гениталниот орган на Црногорците е 13,6 сантиметри, а обемот 12. Тие се на 84-то место.
All sizes matter исто така наведува дека Еквадорците се први на листата со просечна должина од 17 сантиметри. Кога станува збор за обемот, Холанѓаните се први со просечни 13,5 сантиметри.
Последни на листата кога зборуваме за просечна должина се Камбоџанците (10,1 сантиметар), а Бутанците се последни според просечниот обем на пенисот (10,3 сантиметри). Мапата можете да ја погледнете овде.
За потсетување, истражувањата докажаа дека повеќето жени не мислат дека големината на пенисот е важна за сексуалното задоволство. Друго истражување покажа дека 85 жени немаат критики за големината на пенисот на партнерот. Освен тоа, дамите сметаат дека мажите не треба да се мачат да ја анализираат нивната големина, туку треба да се потрудат да ја подобрат комуникацијата и да откријат што навистина им е важно во кревет.
