Во минатото имаше неколку објави дека Apple можеби работи на свитлив iPhone, но засега нема официјални информации за таков уред од самата компанија.
Можеби ќе треба малку време за да видиме iPhone со флексибилен екран, а не се знае каков формат би имал уредот.
Во меѓувреме, дизајнерот Антонио де Роса одлучи да комбинира неколку концепт рендери и да ги имплементира во дизајн за кој верува дека би можело да го краси свитливиот iPhone. Концептот го нарече iPhone Air.
Треба да се напомене дека ова е визија на дизајнерот, а не „протечени“ информации за изгледот на уредот. Според идејата на дизајнерот, iPhone Air е телефон на преклопување, со шарка во средината.
На задната страна, покрај системот камери, има вграден екран кој прикажува информации како датум, време или нотификации.
Најновите информации сугерираат дека Apple тестирал различни прототипови на флексибилни телефони, но компанијата е скептична кога станува збор за овој формат и може да почека да види во која насока се развива технологијата.
