Хиперхолестеролемијата, најчестото наследно нарушување на липидниот метаболизам, погодува значителен број луѓе.
Американскиот центар за контрола и превенција на болести (CDC) објави дека приближно двајца од пет луѓе имаат високи нивоа на холестерол во крвта.
Високиот холестерол може да нè стави на зголемен ризик од здравствени состојби опасни по живот, како што се мозочен удар и кардиоваскуларни болести. Затоа е важно вкупното ниво на холестерол во крвта да се одржува во нормала.
Одржувањето здрава тежина, редовното вежбање и намалувањето на консумирањето алкохол се само дел од начините да се заштитите од хиперхолестеролемија.
Исхраната е исто така клучен фактор. Јадењето храна богата со влакна како грав, овесна каша и авокадо може да помогне во одржувањето на ниско лошиот LDL холестерол. Еден зеленчук се покажа како многу добар во ова, а тоа е црвениот кромид.
Ако готвите кромид без сол, хранливите материи што ги содржи вклучуваат калиум, фосфор, калциум и магнезиум.
Кромидот содржи и флавоноид познат како кверцетин. Во една студија од 2017 година, научниците се обидоа подобро да разберат како кверцетинот влијае на обратен транспорт на холестерол или на процесот во кој телото го отстранува холестеролот од клетките. Тие откриле дека кверцетинот го зголемува транспортот на холестеролот, го намалува нивото на холестерол и го подобрува функционирањето на добриот HDL холестерол.
Се покажа дека дури и алтернативните форми ги нудат истите придобивки, како што е сокот од кромид богат со кверцетин кој значително го намалува нивото на LDL кај пациенти со благо покачен холестерол.
Кромидот може да се подготви на различни начини. Можете да го јадете сиров, варен, можете да го додадете во салати или разни готвени јадења.
Ако не сакате кромид, не грижете се, додатоците во исхраната на база на кромид исто така можат да го намалат нивото на холестерол. Сепак, не е забележана врска помеѓу суплементите на база на кромид и подобрувањето на нивото на триглицеридите, па научниците нагласија дека се потребни дополнителни истражувања.
Некои фактори може да доведат до зголемен ризик од хиперхолестеролемија. Тие вклучуваат јадење храна која е богата со транс масти или заситени масти, седечки начин на живот, пушење, генетика, возраст и повеќе (според CDC). Присуството на хронични здравствени состојби исто така може да биде фактор на ризик, како што се дијабетес тип 2 или прекумерна дебелина, пишува Health Digest.
