Пандемијата влијаеше на скоро сите сегменти во животот, вклучувајќи го и начинот на вежбање, кога многумина се префрлија на вежбање во домашни услови.
Токму поради пандемијата и последиците што ги донесе, поважно е од кога било со физичка активност, урамнотежена исхрана и неопходни додатоци во исхраната, да го одржуваме силниот имунитет и да си дозволиме да бидеме психички и физички здрави.
Фитнес-експертите нагласуваат дека висококвалитетни тренинзи може да се одработат и дома, без разлика дали се работи за вежби во кои се користи сопствеата телесна тежина или вежби со одредени реквизити - со помош на тегови, еластични ленти, јаже за скокање и сл.
Основните вежби, како што се чучњеви, склекови и стомачни, се неопходни за секого, без оглед на возраста или ефектите што сакате да ги постигнете, а почетниците можат да постигнат видливи промени за само четири недели редовно вежбање, со правилна исхрана.
Пленк е исто така многу ефикасна вежба која заштедува време, може да се прави секаде и дава одлични резултати. Постојат два вида пленк – со потпирање на подлактиците и на дланките, а и двете даваат одлични резултати за централните мускули и зацврстувањето на рацете.
Пандемијата многу влијаеше на сите индустрии, а со тоа и на фитнес индустријата, па сите некако се свртивме кон интернетот за помош и кога станува збор за вежбањето.
Опремата и справите за вежбање може да се купуваат постепено, според сопствените можности, а основните работи се тегови, неколку различни еластични ленти, јаже за скокање... Сепак, одличен тренинг може да се направи и без опрема.
Фитнес-експертите нагласуваат дека и меѓу професионалните спортисти и меѓу рекреативците, оние кои се подготвени да се прилагодат на новите услови се оние кои ќе останат најдобри.
