Научниците потврдија дека сезонската депресија е болест, а таа е најчеста во текот на есента кога се навикнуваме на студеното и врнежливо време. Доколку и вие спаѓате во групата на луѓе чиешто расположие се менува со пристигнувањето на есента, прочитајте ги овие совети.
Фокусирајте се на она што не се менува
Фокусирајте се барем на една позитивна и убава работа во вашиот живот – добрите односи со пријателите, семејството, партнерот. Сето внимание насочете го кон она што не се менува и е трајно. На тој начин ќе почувствувате дека сепак имате контрола и влијание врз нешто.
Физичката активност е задолжителна
Физичката активност е добра за физичкиот изглед и за здравјето, но и за менталното здравје. Пешачењето е доволно за да се расположите.
Комуницирајте со саканите луѓе
Во овој период повеќето од вас сакаат да останат дома и да гледаат некој филм. Иако понекаш треба да останеме сами, имајте на ум дека асоцијализацијата доведува до депресија. Затоа – не игнорирајте ги поканите на вашите пријатели и дружете се со саканите луѓе.
Најдете барем една работа во текот на денот која ќе ве расположи
Треба да сфатите дека на некои работи едноставно не можеме да влијаеме. Тоа е природен процес. Секој ден правете нешто што ве усреќува: купете ново парче облека, излезете на пијалак со пријателите, вежбајте, читајте книги. Размислете за промените кои може да ве расположат.
