Како децата реагираат кога првпат ќе добијат милениче?

Животните се прекрасни битија кои ни даваат безусловна љубов и верност.

Децата кои имаат домашно милениче полесно развиваат емпатија, чувство на одговорност, дисциплина.

Децата кои се поврзуваат со своите миленици кога се тажни се помалку вознемирени и нервозни.

Миленичињата помагаат при осаменост. Домашните миленици не можат да разговараат, но детето со нив може да си игра и да другарува.

Студиите покажуваат дека гласното читање пред домашното милениче им помага на децата да имаат поголема самодоверба и да го намалат стравот од јавно говорење на училиште. Миленичињата бараат внимание и тоа не му остава можност на детето да се повлече и да биде срамежливо.

Но, пред да ја отворите вратата на срцето и вашиот дом на домашно милениче, бидете сигурни каква одговорност преземате.

Ова се најсимпатичните реакции на деца кои само што дознале дека имаат ново милениче. Навистина бесценето!