Додека држите диета, важно е да најдете начини за да останете сити.
Како да не се чувствуваме гладни или екстремно уморни, додека држиме диета? Според експертите, не мора да јадете само салати, ниту пак да се откажете од благо.
Првиот совет е да го зголемите обемот на храната. Колку е поголем волуменот на нискокалорична храна, толку е поголема ситоста по јадењето. Зеленчукот е најдобриот начин да се зголеми обемот на храната без да се внесуваат повеќе калории.
Во таа смисла се препорачуваат зелена салата, домати, краставици, кисела зелка, карфиол, брокула и пиперка. Од житарките, особено препорачливи се просо, булгур, кускус и овес, а од мешунките – леблебии, грав, леќа, боранија и грашок.
Друг совет е да се намали количината висококалорична храна. Наместо два реда, јадете две до три чоколадни коцки или ако сте љубител на путер од кикирики – просто, користете мала лажица наместо голема. Може, исто така да се побараат поздрави верзии на омилените слатки со помалку калории.
Натаму, кога послужувате храна, ставете повеќе зеленчук наспроти храната со јаглехидрати. Може барем четвртина од чинијата да биде исполнета со јаглехидрати, друга четвртина со протеини, а остатокот – со зеленчук.
Јадете повеќе супи и чорби, имаат голем обем поради големото количество вода. Така може да се намали внесот на леб и да се зголеми внесот на зеленчук.
Последниот совет се однесува на протеините, кои се важни за растот и развојот на мускулната маса, а по правило создаваат и чувство на ситост. Освен месо и риба како ослич и бакалар, најдобри извори на протеини се јајцата и свежите сирења.