Американецот Кевин Кларк е роден во 1983 година во Њу Џерси и при раѓањето тежел нереални 7,3 килограми, а потоа влезе во историјата како најголемото бебе родено во таа американска држава и едно од најголемите родени во светот.
Неговата мајка Патриша Кларк се шокирала кога за прв пат го видела и веднаш се пошегувала дека ќе мора да му купи нова облека бидејќи таа што ја набавила е премала.
Кевин денес има 40 години и растејќи секогаш бил повисок од децата на негова возраст. На 12 години бил висок 170 сантиметри, а само неколку години подоцна достигнал до 195 сантиметри.
Денес Кевин е висок 205 сантиметри и тежок 136 килограми. Тој вели дека луѓето знаат да го застанат на улица, но не затоа што некогаш бил главна тема на вестите, туку поради неговиот импресивен изглед.
Единственото нешто на што Кевин се жали е дека неговите автомобили се премногу тесни, тушевите се премногу ниски и често мора да се наведнува кога влегува во некои простории.