Прекрасната актерка Моника Белучи нема комплекси за личниот изглед и не сака да прави естетски зафати. Како што старее, оваа жена изгледа сè подобро и подобро.
На една од нејзините фан страници е објавено видео од нејзино гостување во француската емисија „Passage des arts“. Од него се гледа дека Моника си го сака природниот изглед, не ги крие брчките од лицето, докажувајќи дека годините се само бројка.
„Не сум опседната со изгледот. Отсекогаш сум била жена со облини, никогаш премногу слаба. Мојата природа е таква, сакам да стареам на природен начин. Кога ќе наполниш 50 години секако дека немаш исти потреби како на 20. Годините ни даваат поинаква перспектива“, изјави таа во претходно интервју за Sunday Times Style.
Во фокус сега е нејзината ќерка Дева Касел, која неодамна се појави на ревија за брендот Dolce & Gabbana на Модната недела во Милано и ја одушеви публиката.
Многумина се сложни дека пред неа е голем успех во светот на модата и дека неверојатно многу потсетува на нејзината мајка.