ПСЖ во новата сезона ќе влезе со новиот тренер Луис Енрике, но и со нов тренинг камп вреден неверојатни 300 милиони евра.
Во пресрет на вчерашната презентација на шпанскиот стручњак Луис Енрике, присутните новинари имаа можност да ги посетат сосема новите објекти на ПСЖ, кои се состојат од простор за живеење резервиран за играчите, до ултрамодерна кружна соблекувална, до тренинг простор и огромна теретана, до импресивна балнеотерапија.
Сè е дизајнирано до најмалите детали и прецизно конфигурирано, со посебно внимание посветено на елеганцијата и удобноста, вклучувајќи го и горниот кат каде луксузни соби ќе ги пречекаат играчите и персоналот во периодот на одмор.
За изградбата на овој центар со цел подобрување на перформансите на фудбалерите, еден од најпространите и најудобните во светот, ПСЖ инвестираше вкупно 300 милиони евра.
Како дел од зградата беа изградени 17 фудбалски игралишта за 180 спортисти и персонал од околу 100 луѓе.
Пари Сен Жермен се надева дека ќе започне нов циклус со многу успеси под водство на Луис Енрике. Поранешниот тренер на Барса вчера го наследи Кристоф Галтје чиј договор беше раскинат со заедничка согласност.
Фудбалерите на ПСЖ (репрезентативците ќе имаат уште неколку слободни денови) од понеделник, 10 јули, ќе се вратат на тренинзите во новиот тренинг центар.