Пред неколку дена, воениот злосторник Радован Караџиќ беше сместен во викторијанскиот островски затвор во Велика Британија, каде ќе го помине остатокот од својот живот.
Ако пребарате на YouTube ќе најдете видео од внатрешноста и екстериерот на „новиот дом“ на Караџиќ.
Единаесетминутното видео е објавено од профилот Abandoned Isle od Wight на 1 октомври 2019 година, на чиј канал се објавуваат и други снимки од напуштени куќи и други интересни места на овој остров.
Затворскиот комплекс е снимен од воздух и од надвор и од внатрешноста на зградата. Покрај високата ограда и бодликавата жица најгоре, затворот е опкружен со камери, како и надворешни чувари. Меѓу ѕидините има затворски ќелии, капела, болница, спортски центар, двор и слични објекти.
Караџиќ неодамна беше префрлен во овој затвор од друг затвор во Велика Британија, поради страв од можна одмазда на муслиманите, имајќи предвид дека тој беше осуден за воени злосторства во Босна и Херцеговина и геноцидот во Сребреница. Во овој затвор има помал процент муслимани, а покрај тоа има претежно стари лица, луѓе со деменција, силувачи и педофили.
Медиумите претходно објавија дека „Ѕверот од Босна“ ќе биде сместен во ќелии без тоалет, а воениот злосторник се пожалил на своето семејство дека просториите се полни со канцероген азбест и дека му се ускратени правата на вероисповест. Тој исто така изјавил дека му е тешко што нема компјутер затоа што не може „културно да се издигне“, што го имаше во „Хашкиот Хилтон“.
Затворот на Островот Вајт каде е сместен Караџиќ работи од 1863 година и некогаш важеше за еден од најстрогите во земјата. Многу екстремно опасни криминалци ги издржуваа затворските казни тука, како што се убијците близнаци, јоркширскиот мевосек Питер Сатклиф, Иан Брејди, познат и по убиства и по силувања, Чарли Крај, најстариот од тројцата браќа кои беа затворени за шверц на кокаин, како и многу други.
