Мартин Форд е британски бодибилдер со над 3.7 милиони следбеници на Instagram. Често е прогласуван за најстрашниот човек во светот поради неговиот физички изглед, а сега ќе има можност да се докаже во рингот со боксерско деби против иранскиот Хулк.
На Instagram, Форд постојано објавува видеа во кои демонстрира како изгледаат неговите подготовки за мечот.
Во еден од последните објавени видеозаписи тој на обожавателите им вети напредок во боксерската техника во следните пет недели. Токму толку време има до борбата. Секако, Fорд му порача на иранскиот Хулк дека има пет недели време да смисли изговор за неговиот неуспех.
Приказната за ова ривалство започна пред две години кога Форд го повика бодибилдерот по една приредба во полската ММА органзиација KSW. На крајот и двајцата одлучија дека е подобро да си ги одмерат силите во ринг отколку во октагон.
Средбата е закажана за 2 април во познатата О2 Арена во Лондон.
Според пишувањето на Mirror, иранскиот Хулк сакал да се бори против терористите на Исламска држава пред да се согласи на мечот со Форд.