Европа и Северна Америка ѝ воведоа куп санкции на Русија, но вратија и Русите, а поради големината на нивната зејма силно ги погодија авиокомпаниите.
Воздушното поврзување на Европа со Далечниот Исток трпи сериозни проблеми поради забраната која Русија ја воведе за користење на нејзиниот воздушен простор од страна на авиокомпании кои доаѓаат од земји кои воведоа санкции против Русија. Ваквите мерки руската Влада ги воведе како реципроцитет на санкциите од Западот.
На удар се европските и далекуисточните авиокомпании кои беа приморани да ги менуваат рутите на летање, а тоа значи дополнителни часови минати во воздух на нивните воздухоплови.
Така, ако од Париз до Пекинг се патуваше 11 часа и 5 минути, со новата рута која ја заобиколува огромната Русија патниците ќе мора да минат во авион дополнителни 6 часа и 5 минути. Но, тоа важи за летовите на Air France, а не и за летовите на кинеските авиокомпании. Кина е меѓу земјите кои не воведоа санкции за Русија, па така за нив рускиот воздушен простор е отворен.
Ако сакате да патувате од Лондон за Токио, наместо да ја прелетате речиси цела Русија од Санкт Петербург до Владивосток, сега мора да се лета преку Гренланд, Арктикот и Алјаска, или точно за плус 4 часа и 30 минути. Тука нема разлика дали летате со британска или јапонска компанија бидејчи и двете земји се на црната листа на Владимир Путин.