Да се најде нешто без сол во продавница изгледа како вистински предизвик. Затоа, не е чудно што често ја надминуваме препорачаната дневна доза уште со појадокот.
Дознајте во продолжение какви промени би можеле да доживеете доколку ја исфрлите солта од исхраната.
Ќе престане да ве боли главата
Ако страдате од мигрена, добрата вест е дека диетата DASH со малку сол е успешен третман за овој проблем. Истражувањата покажуваат дека намалувањето на внесот на сол доведува до помалку епизоди на мигрена.
Повеќе нема да бидете подуени
Надуеноста има многу причини, а една од нив е солената храна. Исхраната богата со сол придонесува за задржување на водата. Затоа, проблемот со надуеност би можел да исчезне ако јадеме помалку сол.
Ќе бидете помалку жедни
Дали забележавте дека чувствувате жед кога јадете нешто солено? Со внесување на течност, телото го подобрува односот на натриум и вода во телото. Кога ќе го намалите внесот на сол, ќе бидете помалку жедни и нема да треба толку често да одите во тоалет.
Ќе бидете полоши во спортување
Исхраната со малку сол има и свои недостатоци. Според едно истражување, јадењето солени јаткасти плодови може да биде многу корисно за маратонците. Во истражувањето учествувале две групи спортисти. Првата група испила пијалок со додадена сол, а другите без. Учесниците кои земале сол ја завршиле трката во просек 26 минути пред оние кои не консумирале сол.
Ќе го намалите крвниот притисок
Светската здравствена организација препорачува внесување на помалку од пет грама сол дневно за нормализирање на крвниот притисок. Солта предизвикува задржување на водата. Луѓето кои јадат премногу сол имаат вишок вода во телото, што врши притисок врз крвните садови и го зголемува крвниот притисок. За среќа, ако јадете помалку сол, вашиот крвен притисок ќе се подобри.
Ќе имате помали шанси да се разболите
Намалувањето на внесот на шеќер и сол го спречува развојот на дијабетес тип 2 и кардиоваскуларни проблеми. Се покажа дека вишокот натриум промовира хипертрофија на левата комора, како и фиброза (задебелување и лузни) во срцето и артериите. За да се намали ризикот од срцева слабост или мозочен удар, Американското здружение за срце се залага за намалување на натриумот во исхраната.
