Французинот Никола Карабатиќ е најдобриот светски ракометар во деценијата што изминува, додека капитенот на македонската репрезентација Кирил Лазаров е прогласен за најдобро десно крило во изборот на реномираниот Handball Planet.
Францускиот капитен со српско потекло Никола Карабатиќ победи во изборот за ракометар на деценијата, освојувајќи најмногу гласови од 21-членото жири, составено од тренери, ракометни легенди и новинари.
Капитенот на македонската репрезентација Кирил Лазаров е прогласен за десно крило на деценијата, освојувајќи 34 гласови, девет повеќе од поранешниот унгарски репрезентативец Ласло Наѓ, додека третото место со 10 бодови му припадна на ракометарот на Кјелце, Алекс Дујшебаев.
Тимот на деценијата, покрај Карабатиќ (плејмејкер/Франција) и Лазаров (десно крило/Македонија), го сочинуваат уште Уве Генсхајмер (лево крило/Германија), Микел Хансен (лев бек/Данска), Лук Абало (десно крило/Франција), Џулен Агинагалде (пикер/Шпанија) и Тјери Омејер (голманќФранција) и Виран Морос (дефанзивец/Шпанија).
