Крвниот притисок се смета за клучен „витален знак“ бидејќи е еден од најважните показатели за здравјето на срцето, покажувајќи го ризикот од срцеви заболувања, срцева слабост и срцев удар.
Крвниот притисок се однесува на силата што вашата крв ја врши на ѕидовите на крвните садови, особено на артериите, додека вашето срце ја пумпа низ вашето тело. Ако крвниот притисок падне премногу ниско или е превисок, тоа може да биде фатално, па затоа е важно да знаете што е најдобро за вас и да го чувате надвор од опасните зони, пишува The Healthy.
„Препорачувам повеќето пациенти да го мерат крвниот притисок еднаш или двапати неделно“, вели д-р Ју-Минг Ни, кардиолог од Медицинскиот центар во Калифорнија. „Но, треба секојдневно да го мерите ако имате сериозни срцеви заболувања или ако ги прилагодувате лековите.“
Тој нагласува дека е клучно да се запишат резултатите од мерењето на притисокот: „Запишете. Не можам доволно да го нагласам ова. Го следиме крвниот притисок со текот на времето за да видиме дали има некаква промена, па мора да го следите и да запишувате“.
Можете да користите тетратка, апликација за телефон, компјутерска табела или електронската евиденција на мониторот на апаратот за крвен притисок.
