Најголемото изненадување сезонава во Лигата на нации на УЕФА е репрезентацијата на Казахстан која успеа на коло до крајот да го осигура 1. место и воедно пласман ранг погоре - во Лигата Б.
Тоа што нa Македонија веројатно и втора сезона по ред нема да ѝ успее, им успеа на Kазахстанците. Во група со фаворитот Словачка на Милан Шкринијар, како и Белорусија и Азербејџан, Казахстан успеа убедливо да го освои првото место.
Денеска ја остварија потребната победа за мирна завршница - последното коло да им биде релаксиран натпревар, небаре пријателска. Во главниот град Астана ја победија Белорусија со головите на Михаил Габишев во 29-тата и на Бахтијор Зајнитдинов во 79. минута, а измеѓу Белорусите израмнија во судиското надополнување од првиoт дел преку Павел Савицкиј.
По 5 кола Казахстaн е убедливо прв со 13 бода од 4 победи, 1 реми и без пораз. Звучи неверојатно, но Казахстан на двапати ја победи фаворизираната Словачка и тоа со 1:0 среде Трнава и потоа со 2:1 дома во Астана. Го победи и Азербејџан дома со 2:0, а единствено Белорусија како домаќин на неутрален терен во Нови Сад успеа да остане непоразена играјќи 1:1.
Од следната сезона Казахстан ќе биде меѓу малите великани во Лигата Б и ќе игра со дел од европскиот крем.
