Славната актерка Кејли Куоко, позната по ликот на Пени од серијата „The Big Bang Theory“, и нејзиниот партнер Том Пелфреј ќе станат родители на ќерка.
Среќната вест актерката ја сподели на Instagram со нејзините обожаватели, додавајќи дека бебето ќе се роди во 2023 година. Триесет и шестгодишната актерка не ја крие среќата што ќе се оствари како мајка. Таа сподели фотографии од нејзината бременост, меѓу кои и тортата со која го откри полот на детето.
Претходно, Кејли за врската со 40-годишниот Том изјави дека станува збор за „љубов на прв поглед“. Нивната врска стана јавна во мај, неколку месеци откако актерката се разведе од нејзиниот втор сопруг Карл Кук. Кејли и Карл во брак беа 4 години, но се разделија во септември, 2021 година. Актерката и претходно беше во брак со тенисер, од 2013 до 2016 година.
Не е познато како веста за бременост ќе влијае на нејзиниот брачен статус, по два разводи зад себе актерката претходно категорично тврдеше дека никогаш повеќе нема да се мажи.
„Не, никогаш повеќе нема да се мажам. Апсолутно никако, ова може да го ставите и на насловна страница“, изјави таа во април за Glamour.
Куоко тогаш објасни дека би сакала да биде во долга врска или партнерство.
„Верувам во љубовта бидејќи сум била во неверојатни врски. Сакам да бидам нечиј партнер и да имам врска“, сподели тогаш таа. „Сакам да бидам во врска во која ќе посветам време и таа личност навистина ќе биде дел од мојот живот. Работата ми одзема многу време, а сакам во иднина да бидам посветена на врската“, вели Куоко.
