Голманот на Челси, Кепа Арисабалага, и официјално стана нов член на Реал Мадрид. Кепа во мадридскиот клуб пристигна на позајмица која ќе трае до крајот на јуни следната година и ќе го замени повредениот Тибо Куртоа, кој поради скинати предни вкрстени лигаменти ќе отсуствува околу седум месеци.
Според договорот на двата клуба, позајмицата не вклучува опција за откуп, а Кепа по завршувањето на сезоната ќе се врати во Лондон. Шпанскиот голман имаше понуда и од Баерн, но на крајот реши кариерата да ја продолжи во мадридскиот клуб.
Тој официјално ќе биде претставен утре во 13:30 часот во Мадрид како ново засилување на Реал. Кепа (28) е член на Челси од 2018 година, а претходно настапуваше за Атлетик Билбао, Ваљадолид, Понферадина и Басконија.
Минатата сезона бранеше на 39 натпревари за лондонскиот клуб, додека за шпанската репрезентација има настапено на 13 натпревари.