Военото крило на Хамас, Бригадите Из ад-Дин ал-Касам (скратено Бригади Ал-Касам), денеска објави видео на кое се гледаат неговите борци како се соочуваат со израелското напредување во Газа преку преминот Ерез, северозападно од Појасот Газа.
Видеото објавено на Telegram каналот на бригадите покажува дека борците на Ал-Касам ги забележуваат израелските војници на ИДФ стационирани западно од преминот Ерез. Припадниците на Бригадите пукале кон нив со противтенковски ракети.
Според видеото, израелскиот упад се случил во неделата на 29 октомври. Ова е прва снимка од борбата што Хамас ја објави откако ИДФ ја започна копнената инвазија на Газа.
Портпаролот на Хамас, Хазем Касим, изјави дека тенковите на ИДФ влегуваат само во празни земјоделски површини и области кои претходно биле гранатирани.
„Ова што го прават не е воен успех. Тоа е само шоу. Отпорот, кој го изненади непријателот во првиот напад во операцијата 'Бура Ал-Акса', секако ќе има поголеми изненадувања. Бригадите Ал-Касам се подготвени за било што“, рече Касим.