Големи немири го одбележаа натпреварот во аргентинската Примера помеѓу Химнасија Ла Плата и Бока Жуниорс.
По хаотичните сцени во Индонезија пред пет дена, нови навивачки немири го потресоа светот. Овојпат во Аргентина, каде синоќа беше откажан мечот помеѓу Химнасија и Бока.
Најмалку едно лице загина по жестока пресметка меѓу навивачите и полицијата. Немирите почнале пред стадионот веднаш штом започнал натпреварот. Тепачката се проширила на терен, а потоа интервенирала и полицијата.
Судијата реши да ја прекине играта во деветтата минута, а полицијата мораше да пушти солзавец за да ги смири нередите.
Портпаролот на полицијата рече дека полицајците изјавиле дека бил употребен солзавец поради недостаток на безбедност за да се контролира ситуацијата. Едно лице загина, а неколку се тешко повредени.
Хаосот настанал откако навивачите на домаќините Химнасија се обиделе насилно да влезат на стадионот во преголем број.
Аргентинските медиуми објавија дека полицијата го застрелала камерманот на TyC Sports, Фернандо Ривера додека тој ги снимал луѓето кои го испалиле солзавецот. Се појави и видео од тој настан.
„За жал, најмалку едно лице е мртво“, рече министерот за безбедност на Буенос Аирес, Сержо Берни.
Навивачот починал по проблем со работата на срцето, откако бил фрлен солзавец на теренот. Навивачите паника се обидувале да најдат излез од стадионот.
