Искористете ги преостанатите велигденски јајца, поховајте ги и наполнете ги.
Велигден помина и ви останаале премногу јајца. Доколку не знаете како да ги искористите, ви носиме одличен рецепт. Се матат белките, а потоа се полнат со зачинета смеса од жолчки. Полнетите јајца ги јаделе и императорите во стариот Рим, а нивната подготовка е едноставна. Вака подготвените полнети јајца можете да ги послужите како предјадење или како вечера.
Потребни состојки:
- 12 велигденски јајца
- 3 живи јајца
- 1 шолја брашно
- 1 шолја презла
- 4 лажици мајонез
- 1 кисела краставица
- 2 лажици сенф
- 1 лажичка лут сос
- масло
- сол
- бибер
- буковец
Подготовка:
Тврдо сварените велигденски јајца исечете ги по должина. Одделете ги белките од жолчките, а потоа жолчките тргнете ги на страна.
Белките валкајте ги во брашно, па во изматените 3 јајца и на крај во презла. Внимателно ставете ги јајцата во врело масло. Пржете 2-3 минути, па превртете ги. Извадете го од тавата и ставете ги на хартиена крпа да се исцеди вишокот масло.
Во жолчките додадете мајонез, ситно сечкана кисела краставица, сенфот, лутиот сос, сол и бибер и матете додека смесата не стане мазна. Со добиената смеса наполнете кеса за замрзнување или кесичка за печиво. Наполнете ги похуваните белки, посипете со буковец и послужете.
