Објавен е првиот трејлер за петтото продолжение на „Indiana Jones“, а во него може да видиме како изгледа компјутерски подмладениот Харисон Форд. Резултатот е прилично импресивен.
Во петтото продолжение, 80-годишниот актер ќе изгледа неколку децении помлад, благодарение на вештачката интелигенција.
За подмладувањето биле користени неколку техники, вклучително и софтвер кој го усоврши свежо снимениот материјал врз основа на архивските снимки на младиот Харисон Форд, а од резултатот е изненаден и самиот актер.
„Прв пат да гледам вакво нешто и не можам да поверувам во тоа што го гледам. Малку е и страшно. Мислам дека дури и дека не сакам да знам како сето тоа функционира“, вели Форд.
Дејството на петтото продолжение се одвива во 1944 година, кога Индијана се бори против нацистите. Пред да се најде во сегашноста, ќе се врати во 1969 година, која ја одбележа трката на Месечината меѓу Американците и Русите.
Ова е последната авантура на Индијана Џонс, а филмот ќе се прикаже на 30 јуни 2023 година.