Американската вселенска агенција соопшти за нов рекорден лет извршен од Ingenuity на Марс.
На 19 април 2022 година Ingenuity стана првото летало кое успешно изврши лет на Црвената планета откако достигна висина од 3 метри, а потоа лебдеше 30 секунди, па слета на површината.
Оттогаш, минијатурниот хеликоптер изврши низа летови на Марс, а сега постави нов рекорд. НАСА соопшти дека Ingenuity го сними својот дваесет и петти и рекордно најдолг лет во кој прелета 704 метри при брзина од 3,5 метри во секунда.
Воедно, ова беше најдолгиот и најбрзиот лет на хеликоптерот на НАСА. Ingenuity се крена на висина од 10 метри и полета југозападно, а максималната брзина ја достигна за помалку од 3 секунди.
Иако се работи за црно-бела снимка, видлив е песокот како и релативно рамниот терен на кој може да слета без проблеми. Летот траеше 161,3 секунди, но снимката е забрзана околу пет пати така што трае помалку од 35 секунди.
Самото слетување не е снимено бидејќи камерата е програмирана да се деактивира кога пропелерот ќе се најде на еден метар од површината за да се осигури дека нема да се крене прашина во текот на полетувањето и слетувањето, со цел да не пречи за навигацискиот систем.
