Третата сезона на серијата „The Witcher“ ќе биде последна во која во главната улога ќе го видиме Хенри Кавил.
Британскиот актер, најпознат по улогата на Супермен во филмовите „Man of Steel“, „Batman v Superman: Dawn of Justice“ и „Justice League“, како и по улогата на Гералт во серијата „The Witcher“, соопшти преку неговиот Instagram профил дека повеќе нема да го глуми популарниот лик во серијата на Netflix.
„Моето патување како Гералт од Ривија беше исполнето со чудовишта и авантури. За жал, ќе го положам мојот медалјон и моите мечови пред четвртата сезона“, напиша Кавил.
Како што е наведено во соопштението, во серијата ќе го замени Лиам Хемсворт, кого многумина го сакаа во филмовите „Hunger Games“, а кој е брат на Крис Хемсворт, Тор во филмовите на Marvel.
„На мое место, мантијата на Белиот Волк ќе ја преземе фантастичниот Лиам Хемсворт. Како и кај најголемите литературни ликови, го поминувам факелот со почит за времето поминато во олицетворение на Гералт, како и ентузијазам да ја видам изведбата на Лиам на оваа најфасцинантен и најнијансиран човек“, вели Кавил, но не објасни зошто ја напушта улогата.
И Хемсворт се огласи преки Instagram, истакнувајќи го својот ентузијазам за новата улога и не штедејќи пофалби за Кавил.
„Хенри, јас сум твој голем обожавател со години и инспириран сум од она што му го даде на овој сакан херој“, рече Хемсворт.
