Хрватските фудбалери синоќа во одличен натпревар ги победија Холанѓаните среде Ротердам со 4:2 и со тоа се пласираа во финалето на Лигата на нации каде ќе играат со победникот од дуелот Шпанија - Италија.
На овој натпревар блесна капитенот Лука Модриќ, како и во многу други големи победи на „Ватрените“.
Фудбалерот на Реал одигра речиси полни 120 минути на високо ниво, а за тоа време постигна еден и асистираше за друг, поради што повеќе од заслужено ја доби титулата играч на натпреварот.
При напуштањето на теренот заработи овации и од хрватските и од холандските навивачи, кои ја наградија неговата одлична игра.
Фотограф на стадионот „Де Кујп“ сними интересна сцена на трибините, момче од Холандија со својот татко направило транспарент посветен на Модриќ.
„Лука Модриќ, може ли да ја добијам твојата кошула?“, пишува на транспарентот од ова младо момче, кое инаку е навивач на Холандија.
Пораката е симпатична бидејќи детето очигледно користело Google Translate, но на сите им е јасно што сакаше да каже.
Можеби Модриќ откако ќе прочита во медиумите ќе му испрати дрес. Или пак кошула...
