Омилениот холивудски актер Кијану Ривс и неговата девојка Александра Грант се појавија на свеченост одржана во Музејот за современа уметност во Лос Анџелес и го привлекоа вниманието на новинарите.
На гала настанот дојдоа во елегантно издание, Ривс во класичен темно син костум, бела кошула и сино-црвена кравата, со неговата препознатлива фризура и брада. Неговата девојка Александра блесна во црвена креација.
Парот среќно позираше на црвениот килим, и двајцата постојано се смееја и се гледаа в очи покажувајќи дека нивната љубов е иста како и од првиот ден.
За првпат се појавија заедно во ноември, 2019 година појавувајќи се на црвениот килим. Подоцна се откри дека во тајност биле во врска година и пол пред јавното појавување.
