Снимките ги направи мала камера поставена на Tiānwèn-1 (天问-1).
Објавени за Нова година, на снимките се гледа осамениот Tiānwèn-1 над Црвената планета, како и замрзнатата северна ледена капа на Марс.
Орбитерот сега е во длабоката вселена, приближно 350 милиони километри оддалечен од Земјата, се вели во соопштението, како што пренесува Science Alert.
Објавените фотографии вклучуваат и крупен кадар на златното тело Tiānwèn-1, неговите научни антени и соларни панели, кои го напојуваат уредот за време на неговата мисија.
Голем дел од научната заедница беше возбудена кога фотографиите се појавија на Twitter, а сликите беа вистинско изненадување.
Оваа камера е единствена и нуди одлични можности за фотографирање и на Марс и на орбитите.
Ако се прашувате како точно вселенското летало ја исфрла камерата во орбитата за да прави селфи, еве како изгледа тоа:
Кинеската вселенска агенција објави и мозаична слика направена од роверот Zhùróng (祝融) на површината на Марс, на која е прикажан веќе познатиот пејзаж кој изгледа пусто.
Tiānwèn-1 орбитира околу Марс од февруари 2021 година, а роверот Zhùróng успешно слета на Марс минатиот мај - што го прави првиот кинески ровер што го направил тоа, а шести во светот.
„Од саботата наутро, висок 1,85 метри и тежок 240 килограми, Zhùróng работеше на површината на Марс 224 дена - далеку над неговиот проценет животен век од три месеци. Роверот помина повеќе од 1.400 метри“, соопшти кинеската Национална вселенска администрација.